توتى مش ممكن

توتى مش ممكن ..مش ممكن اللى انتى بتقوليه دا معقول يكون المدير بالشكل دا انتى اكيد بتهزرى



- وحياتك انتى والمش والجنبة اللى لسه سفاهم عندك ما بهزر


- يعنى المدير مرتشى


- اه ..وحياة كل اجتماع بيلمنى فيه ويملى بقه بكلمة


( انتم معاكوا واحد نزيه واحد نضيف واحد عمره مااخد من حد حاجة بل انى احيانا بصرف على الشغل من جيبى ....)


- وحياتك يابت ياتوتى انا كنت بسدءه والا بقى لما كان وشه يحمر ويزيد حلاوة على حلوته ...سبحان الله كل دا كلام فى الهجايص معقول ..


- شفتى( ام اربع عيون) وهى بتزبطه وهو بيوعدها انه هايزبطها فى الشغل من اول الموسم اللى جاى


- لا.. حتى هى مش ممكن ..عايزه اعرف مين بيسرب لك الاخبار دى


- لا عادى دى البت المسيحية بتاعتنا هى اللى قالتلى اصلها شاهدت الامر


- يعنى ياخى شوقى هو اللى شاهد الامر ...ماتتكلمى عدل يابت


- ماشى ...طيب مانتى عندك( كارتر) مبهدلنا ومطلع عين ابونا والمدير ولا هو هنا وبالعكس ال ايه بياخده على قد عقله ... وعليا النعمة انا حسه انه بياخدنا احنا على قد عقلنا


- لا ياتوتى دا كله الا كارتر ... وليه ماندلهوش اسمه الحقيقى .. عارفه يابت ايه اللى يمشى معاه اوى وهايليق عليه بدل كارتر دى


- ايه يافلحوصه


- انتى مش قولتيلى قبل كدا فى حكمة من حكمك ان الراجل دا هو العجوز المتصابى


- ايوه وهو فعلا كدا


- خلاص يبقى من هنا ورايح يبقى هو العجوز المتصابى


- ياساتر عليك لما بتلزقى فى حاجة


- عارفه ياتوتى العجوز المتصابى بحس كتير انه عنده عقدة نقص ... ايوه بجد


- قصدك علشان الهبل اللى بيعمله معانا


- بصى يابنتى على راى امى لما بتقول


- ( العين مابتشوف الا اللى احسن منها )


- وانتى بقى ان شاء الله احسن من المتصابى العجوز فى ايه


- يييييييييييييييييييييييييه


- ييييه ايه يعنى مافهمتش


- يكفى انى اجمل منه هههههههههههههههههههههههههه


- هههههههههههههههههههههههههه انا عارفه انك مجنونة من زمان


- يعنى خدنا ايه من العقل


- سيبك ياتوتى من العجوز دلوقتى ونبقى ننم عليه بعدين وخلينا فى ابو الشباب كله


- قصدك الممل


- الممل ههههههههههههههه ايوه ياستى


- اسكتى دا هاينقطنى قريب


- ليه بس هو لسه برده لابسلى جلبية ابو الهول


- اكتر.. انا مش عارفه هو اهبل ولا بيستهبل.. دا شكله كدا ..عايزنى انا اروح اقوله انى بحبه دا كلام


- وماله ماانتى كنتى بتقولى انك لما تحبى فى يوم من الايام مش هاتترددى انك تصرحيه بالحب دا


- دا لما احب ... ومش الممل ياستى اللى هاقوله انى بحبه


- يانهار ابيض .... ممكن اسالك سؤال


- قولى


- هو الممل لو اتقدم لك عريس يعنى هاتوفقى ولا لا


- طبعا لا


- يخربيت عقلك


- امال ايه حكايتك معاه


- بصى بقى


- ابص ايه


- يابنتى دا يعرفنى من اكتر من سنتين او يمكن تلاته وتشهد التليفونات والارصدة اللى ضاعت فى الرغى معاه من يوم ماعرفته ..


وادينا على دا الحال من يومها بنرغى وبس لاهو بيقول حاجة ولا محتاجة والنبى اوافق عليه دا ليه


- مش يمكن مش عايز يوعدك باى حاجة الا لما يكون قدها


- ايه يابنتى هو انتى بتبقى معانا ولا ايه


- لا بس من اللى انت بتحكهولى يعنى


توتى بقولك ايه انا هامشى بقى علشان ابويا جه وبلاش يتعفرت على بعدين يرجع مايدفعش فاتورة التليفون تانى


- ماشى يانانا الطيب احسن وبعدين انتى شوفتى الشهرين اللى فاتوه فلسنا احنا الاتنين من شحن الموبايلات ربنا لايعودها ايام .. ويخلى لنا اهلنا ويدفعولنا الفاتورة دايما


- امين ياختى انتى عارفه اننا بقلنا اكتر من ساعة الا ربع بنرغى ودى حادثة اول مرة نقفل بدرى سلام بقى علشان دا خلاص داخل


- سلام


( ولسه ما تكملناش بس اكيد هانتكلم تانى بعد يوم او اتنين بالكتير ... وربنا يجعل بيت المحسنين دايما عمار )

ثرثرة النساءعام2020

غالية:صباح الخير ياعنيات

عنيات:صباح الفل ياغالية

غالية:عاملة ايه النهاردة

عنيات:اسكتى ياختى الواد الصغير مانيمنيش طول الليل

غالية:وانت ايه اخبار الراجل لسه بردة البت دى واكلة عقله

عنيات:اسكتى ربنا مايوريكى ياختى الراجل الدون الواطئ مش عايزنى ابدا امسك الموبيل بتاعة لآ وايه كل شويه يرن حبة يرد وشويه يبص كده عليه ويعمل ال ايه مطنشه.................. شوفتى دا طلع عامل كلمة سر لفتح التليفون باصورد ال

غالية:مش انا قولتك من الاول خلى بالك رجالة الايام دى مالهاش امان

عنيات:يختى اوطعوا واوطعت سيرتهم

غالية: سمعتى حلقة المسلسل امبارح

عنيات: انهو واحد

غالية: بتاع الممثلة دى الحلوة اللى اسمها فاتن جمال

عنيات: ايوة سمعتوه والنبى وصعبت عليا قوى من اللى عمله فيها جوزها ال ايه الراجل العفن وهو طالع القمر ياخد معاه السكرتيرة ال ايه هيعمل شغل

غاليه: دى حجة فارغة شوفتى من حلقتين فى الحلقة 2000حجز فوق على القمر جناح فى اشهر فندق هناك لآ وايه لفردين شوفتى ياختى دفع رشوة اد ايه علشان ماحدش يجيب سيرة لفاتن الغلبانه

عنيات : ايوة ياختى ربنا يكون فى عونها بس انا عندى امل ان الربوت بتاعها هيقدر ينور لها بصيرتها

غالية : على الله ياختى

ازمة نانا

ماذالو انى فعلا كنت احبه ؟
ترى هل لا يستطيع القلب تحديد ما اذا كان يهواه ام لا؟
ولواحبه فماذا افعل؟
هل يمكن ان يغوص حبه داخلى حتى يختنق و يموت؟
اوتعلمون حقا احيانا اقول لها ان هذا الحب غير موجود والموجود الفعلى هو الاحتياج للحب
فهى ترغب فى الحبولا تجدة
احتاجها للحب ليس عيب فى حقها انما هو حق يكفله لها دستور المشاعر لبنى البشر جميعا
ومطالبتها به ليس جرما نعاقبها عليه بل لابد من مساندتها حتى تناله
عزيزتى صديقتى
فالتستمرى فى محاولاتك لا تدعى الياس يهزك فلا يضيع حق وراءه مطالب

عندما لايجد الام مسكن له فى قلبك فاعلم عزيزي انك مصاب بمارد الموت الذى يجعلك تموت فى اليوم مائة مرة بل الف مرة فكل لحظة تمر منك فهى احياء لذكراك التعيسه عند نفسك انه اليأس عزيزي فمن اذا يستطيع تمييز اليل من نور الشمس الساطعة .